بدیع الزمان حضرتلری وانده بولوندیغی زمانلرده ، والی طاهر پاشا ایله بعض غزته لردن خبرلر اوقوردي. بالخاصّه اسلاميتي علاقه دار ایدن خصوصلره دقّت ایدردی . وانده كی اقامتی اثناسنده ، عالم اسلامڭ وضعیتنی بر درجه اوگرنمش بولونویوردی . برگون ، والی طاهر پاشانڭ غزته دن كوستردیگی بر خبر ، اونڭ حیاتنده دونوم نقطه سی اولدی . خبره كوره ؛ انگلتره سومورگه لر باقاني ، مجلسده یاپدیغی بر قونوشمسنده ، ألنده طوتدیغی قرآني گوستره رك شویله دییوردی : ” بو قرآن مسلمانلرڭ ألنده بولوندقجه بز اونلره حاكم اولامايز. يا بو قرآني اونلرڭ ألندن آلملی یز یاخود مسلمانلری قرآندن صوغوتملي يز . “

ایشته بو مدهش خبر ، بدیع الزمان حضرتلرنده تعریفڭ أوزرنده بر تأثیر اويانديرمشدي . استعدادی شيمشك گبي آلولی ، دویغولری و بتون لطائفی اویانیق و علم ، عرفان ، اخلاص ، جسارت و قهرمانلق كبی خارقه عنايت و سجيه لره مظهر اولان استاد حضرتلرینڭ ، بو خبر أوزرینه : ” قرآنڭ سونمز و سوندیریلمز معنوي بر كونش اولدیغنی ، بن دنیایه اثبات ایده جگم و كوستره جگم “ دییه قوتلی بر نیت روحنده اویانیر و بو غىرتله چالیشیر . [١]

بو موضوعيله علاقه لی اولارق بر قسم بیانلرینی بورایه آلمق ایسته یورز .

” آلتمش بش سنه أوّل بر والی بڭا بر غزته اوقودی . بر دینسز مستملكات ناظری ( سومورگه لر باقاني ) قرآني النده طوتوب قونفه رانس ویرمش . دیمشكه : ‘ بو اسلاملرڭ ألنده قالدقجه ، بز اونلره حقيقي حاكم اولامایز ، تحكّممز ( حاكميتمز ) آلتنده طوتامايز . یا قرآني سقوط ايتديرملي يز ( دوشورملي يز ) ویاخود مسلمانلري اوندن صوغوتملي يز . ‘ طوغری

ایشته بو ایكی فكرله ، دهشتلی افساد قومیته سی بو بیچاره فداكار ، معصوم ، حمیتكار ملته ضرر ویرمگه چاليشمشلر. بن ده ، آلتمش بش سنه أوّل بو جریانه قارشی ، قرآن حكیمدن استمداد أیله دم ( یاردیم ایسته دم ) . حقيقته قارشي قيصه بر یول و بر ده پك بویوك بردار الفنون اسلاميه ‘ ( اسلامی فن فاكولته سی ) تصوری ( دوشونجه سی ) ایله آلتمش بش سنه در ، آخرتمزی قورتارمق و اونڭ بر فائده سی اولارق حيات دنيويه مزي ده استبداد مطلقدن ( تام بر باصقيدن ) و ضلالتڭ هلاكتندن ( یولدن چیقمە تهلكەسندن ) قورتارمه یه و اقوام اسلاميەنڭ مابیننده كی ( اسلام ملتلرینڭ آراسنده كی ) اخوتنی ( قرداشلغنی ) انكشاف ایتدیرمەیه ( كليشديرمه يه ) ایكی وسيله يي بولدق . “ [٢]

بوراده كی ایكی وسیله ، ایلریده داها كڭیش بر شكلده اله آلاجغمز رسالۀ نور خدمتی و كرچكلشدیرمك ايسته ديگی مدرسة الزهرا آدلی اسلامی أونیورسیته پروژه سيدر .

” جای دقت و اهمّیتلی بر توافقدر ؛ رسالت النّور مؤلفی بیڭ أوچ یوز اون آلتی ( ١٨٩٨ ) صیره لرنده مهم بر انقلاب فكری كچیردی . شویله كه : او تاریخه قدر علوم متنوعه یی ، یالڭز علمله تنوّر ( نورلانمق ) ايچون مراق ایدردی ، اوقوردی و اوقوتوردی . بردن او تاریخده مرحوم والی طاهر پاشا واسطه سیله آوروپه نڭ قرآنه  قارشي مدهش بر سوء قصدي وار اولدیغنی بیلدی . حتّا بر غزته ده انكلیزڭ بر مستملكات ناظری دیمش : ‘ بو قرآن ، اسلاملر النده واركن بز اونلره حقيقي حاكم اولامایز . قرآنڭ سقوطنه چاليشملي يز دیديگني ایشیتدی ، غیرته كلدی .

بتون بیلدیگی علوم متنوعه یی ( هر چشیت علملری ) قرآنڭ فهمنه ( آڭلامه سنه ) و حقیقتلرینڭ اثباتنه باصاماقلر یاپارق هدفنی و غایۀ علمیه سنی و نتيجۀ حياتنى ، یالڭز قرآنه  چويردي . و قرآنڭ اعجاز معنويسي ( معنوی معجزه سی ) اوڭا رهبر و مرشد و استاد اولدی . “ [٣]

[ ١ ] تاريخچۀ حيات ، س/ص/ث . ٥١ كری

[ ٢ ] امرطاغ لاحقه سی - ٢ ، س/ص/ث . ٢٢٣ كری

[ ٣ ] عثمانلیجه سكّۀ تصديق غيبي ، س/ص/ث . ٧٦ كری