ژاپون باش قوماندان اليڭ سؤاللرینه ویردیگی جوابلر
ژاپون باش قوماندان اليڭ سؤاللرینه ویردیگی جوابلر
استادڭ استانبولده بولوندیغی ییللرده روسیه یی مغلوب ایدن ژاپون باش قوماندانی اسلام دينيله علاقه لی بعض مسئله لري بالخاصه آخرزمانله ایلگیلی متشابه ، آڭلاشیلمه سی زور حديثلري استانبول عالملرندن صوردی. استانبول عالملری ده بو صورولري بدیع الزمان حضرتلرینه يوڭلتديلر . بو حادثه یی كندیسی بر اثرنده شویله افاده ایدر :
” حریتدن أوّل استانبوله كلدم . او زمان ژاپونیه نڭ باش قوماندانی اسلام علماسندن دینی بعض سؤآللر صورمشدي. اونلري استانبول خواجه لری بندن صوردیلر . هم چوق شیلری او مناسبتله سؤال ایتدیلر . ازجمله بر حديثده ‘ آخرزمانده دهشتلي بر شخص صباح قالقار ، آلننده هٰذَا كَافِرٌٌ ( بو كافردر ) یازیلمش بولونور‘ دییه حدیث وار دييوب بندن صوردیلر . دیدم : ‘ طوغری بر عجیب شخص بو ملتڭ باشنه كچر . و ( بر كون ) صباح قالقار ، باشنه شاپقه كییر وگيیديرر . ‘ بو جوابمدن صوڭره بونی صوردیلر :
‘ طوغری عجبا او زمان اونی كیین كافر اولمازمی ؟ ‘ دیدم : ‘ طوغری شاپقه باشه كله جك سجده یه كيتمه دییه جك . فقط باشده كی ایمان اوشاپقه يي دە سجده یه كتیره جك . ان شاء اللّٰه مسلمان ایده جك . ‘ صوڭره دیدیلر : ‘ طوغری عین شخص بر صو ایچه جك ، اونڭ ألی دلينه جك و بو حادثه ایله سفیان اولدیغی بیلینه جك . ‘ بن ده جواباً دیدم . ‘ طوغری بر ضرب مثل وار . چوق اسرافلی آدمه الي دلیكدر دینیلیر . یعنی ألنده مال طورمییور ، آقییور ، ضایع اولویور دینیلییور . ایشته او دهشتلی آدم بر صو اولان راقي يه مبتلا اولوب اونڭ ایله خسته اولاجق و كندیسی حدسز اسرافاته كیره جك ، باشقه لرینی دە آلیشدیراجق . ‘ طوغری
صوڭره بریسی صوردیكه : ‘ او أولديگي زمان استانبولده ديكيلي طاشده شیطان دنیایه باغیراجقكه فلان ئولدی . ‘ او وقت بن دیدم : ‘ تلغرافله خبر ویریله جك . ‘ فقط بر زمان صوڭره رادیو چیقمش ایشیتدم . اسكی جوابم تام دگلمش بيلدم. اوڭ سنه صوڭره دار الحكمتده ایكن دیدم : ‘ شیطان كبی رادیو ایله دنیایه ایشیتدیریله جك . ‘ صوڭره : سدّ ذولقرنين و يأجوج مأجوج و دابّة الارض و دجّال و نزول عيسي علیه السّلام حقّنده سؤآللر صورمشلردی . بن دە جوابلريني ویرمشدم . حتّا اسكی رساله لرمده اونلر قسمًا یازیلمشلردر . “ [١]