كنچ ياشده كي عفتی
كنچ ياشده كي عفتی
حضرت استادي مسافر اولارق قوناغنده آغيرلامقده اولان بتلیس والیسی عمر پاشانڭ آلتی دانه قیزی واردي. خانمي دە وفات ایتمشدی . بر كون قیزلردن بری بر احتیاجه بناءً ملّا سعیدڭ اوطه سنه كیرمك ايسته مشدي. ملّا سعید ، كندیسنی آزارلايارق قاپویی شدتله قپاتنجه قیز دە أوزوله رك كری دونمشدی .
عین كون استادي قيصقانانلردن بری ، حكومتده والينڭ قولاغنه شو سوزلری فيصيلدار : ” ملّا سعيدي ناصل أوده بیراقییورسڭ . أوده قیزلرڭ وار و قاريڭ یوق . كندیسی كنچ و دلیقانلی ، ناصل قبول ایدییورسڭ ؟ “ دییه والينڭ فكرینی بوزار .
والی آقشام اوه كلیركن همن قیزی آغلایارق قارشوسنه چیقار : ” بو اوطه ده بيراقديغڭز سعید دليدر . بزی آزارلييور ، اوطه یه بیراقمییور “ دییه ملّا سعيدي شكايت ایدر . [١] بویله جه عمر پاشانڭ قلبنده كی وسوسه تمامًا ازاله اولور .
كندیسی صوڭره لری ، عمر پاشانڭ قيزلرينه قارشی طاقیندیغی متّقی و عفّتلی طورینی شویله آڭلاتاجقدر :
” اللی بش سنه أوّل بن ، یگرمی یاشلرنده ایكن ، بتليسده مرحوم والی عمر پاشا خانه سنده ایكی سنه اونڭ اصراريله و علمه زیاده حرمتيله قالدم . اونڭ آلتی عدد قیزلری واردی ؛ اوچی كوچك ، اوچی بویوك . بن ، أوچ بیوكلری ، ایكی سنه برابر بر خانه ده قالدیغمز حالده ، بربرندن تفریق ایدوب ( آییروب ) طانيمييوردم . او درجه دقّت ايتمييوردمكه بیله یم . حتّا بر عالم مسافرم یانمه كلدی ، ایكی كونده اونلری بربرندن فرق ایتدی ، طانيدي. هركس و بن ده بو حاله حیرت ایدردك . بڭا صوردیلر : ” نه دن باقمييورسڭ ؟ “ دیردم : ” علمڭ عزتنی محافظه ایتمك ، بنی باقديرمييور . “ [٢]