بدیع الزمان حضرتلری ، وانده قالدیغی زمانلرده بتليسده حفظنه آلمش اولدیغی قرق كتابه اك اولارق اللی كتاب داها ازبرله دى . بو كتابلر ساده جه دینی علملرڭ أساسلرینه دائر كتابلر اولمایوب ، فنّي ، تاریخی ، أدبی كتابلر دە بونلره داخلدی .

بو قونویله علاقه لی اولارق قرداشی ملّا عبد المجید شویله دیر :

” قرآن كريمي اوڭ بش كون ایچنده حفظ ایتدی . قاموس ال محيطدن ( اوقیانوس ) آلتمش سطرلق بر صحيفه يي بر دفعه اوقومقله ازبرینه آلیردی . اوت ، بو ذات ، كرك مدرسه ، كركسه مكتب علم و فنلرندن ازبرینه آلديغ متنلري ، كتابلري اونوتمامق ایچون ، دائما ازبرندن اوقویوب تكرارلامه يه مجبوريتي واردی . ازبرنده بولونان متنلرڭ طوپلامي اوتوز قرآن قدر ایدی . [١]

استاد حضرتلرینڭ كندیلری ده بو قونویله ایلگیلی شونلری سویله مشدر :

” بن كنچلگمده وانده والی طاهر پاشانڭ قوناغنده قالیركن ، والی بڭا بر اوطه تخصیص ایتمشدی . بن اوراده قاليردم. هر كیجه ياتمادن أوڭجه أوچ ساعت قدر حافظه مده كيلري تكرار ایدردم . او زمان حقیقتًا طقسان كتابی حافظه مه آلمشدم. هر كیجه حافظه مده كيلري أوچ ساعت تكرار ایتمكله أوچ آیده بر بو كتابلرڭ تكرارینی یاپارق دورینی بيتيرييوردم. بن كیجه لری حافظه مده كي كتابلري تكرارلاركن ، مرحوم طاهر پاشا ، بنی ذكر و اوراد اوقویور ظنّ ايدرمش. جناب حقّه  شكر قرداشلرم ، بتون او محفوظاتم ( ازبرلرم ) ، قرآنڭ حقائقنه ( حقیقتلرینه ) چیقمق ايچون بڭا باصاماق اولدیلر . صوڭره قرآنڭ حقائقنه اولاشدم ، چیقدم باقدمكه ؛ هر بر آیت قرآنیه كائناتی احاطه ايدييور كوردم . آرتیق اوندن صوڭره باشقه بر كتابه احتیاجم قالمادی . قرآن بڭا كافی و وافی ( یترلی ) كلدی . “ [٢]

بحثی كچن بو حادثه لر ، بدیع الزمانڭ نه دنلی صاغلام بر علمی تملی اولديغني اورتەيه قویان وثيقه لردن ساده جه بر قاچیدر .

[ ١ ] مفصّل تاريخچۀ حيات ، ج . ١ ، ص . ١٤٧ كری

[ ٢ ] آیدینلر قونوشویور ، ص . ٣٨٤ كری