بديع الزمانڭ عرقجي معامله لره جوابی
محكمه دن أوڭجه و محكمه صفحاتی دوام ایدركن یاپیلان صورغولامه لر اثناسنده ، حاكملرڭ قرارینی منفی صورتده اتكيله مك و صادق طلبه لرینی كندیسندن صوغوتمق قصدی ایله بدیع الزمان حضرتلريني سوركلی اولارق ، سعید نورسي یرینه ” سعيد كردي “ دییه آڭييورلر و ” بو كرددر “ كبی تعبيرلرله عرقجی بر یاقلاشیم سرگيلييورلردى . بونده كی آرت نیتڭ فرقنده اولان استاد حضرتلری ، محكمه نڭ بو پروپاغانده نڭ تأثيري ایله عدالتدن شاشمامسي ایچون انسانلره عرقلري ایله دگل دینه اولان خدمتلرینه كوره دگر ویردیگنی و خصوصًا تورك ملتنه ناصل دگر ویردیگنی شو جمله لرله اورته یه قویار :
” افندیلر ! بن ، هر شیدن أوّل مسلمانم و كردستانده دنیایه كلدم . فقط ، توركلره خدمت ایتدم و يوزده طوقسان طقوز منفعتلی خدمتم توركلره اولمش و اڭ چوق حیاتم توركلر ایچنده كچمش و اڭ صادق و اڭ خالص قردشلرم توركلردن چیقمش و اسلامیت اوردولرینڭ اڭ قهرمانی توركلر اولدیغندن ، مسلك و خدمت قرآنيه م جهتیله ، هر ملتدن زیاده تركلری سومك و طرفدار اولمق قدسی خدمتمڭ مقتضاسی اولدیغندن ؛ بڭا كرد ديين و كندینی ملّیتپرور كوسترن آدملرڭ بیڭی قدر تورك ملتنه خدمت ایتدیگمی ، حقيقي و جوانمرد بیڭ تورك گنچلريني اشهاد ایده بیلیرم ( شاهد كوستره بیلیرم ) .
هم ، هيئت حاكمه نڭ اللرنده بولونان اوتوز – قرق كتابلريمي ؛ خصوصًا اقتصاد ، اختیارلر ، خسته لر رساله لريني اشهاد ایدییورمكه : تورك ملتنڭ بشدن درت قسمنی تشكیل ایدن مصیبتزده ، فقیرلر و خسته لر و اختیارلر وديندار متّقيلر طائفه لرینه بیڭ توركجی قدر خدمت ایدن او كتابلر ، كردلرڭ اللرنده دگل ، بلكه تورك گنچلرينڭ اللرنده درلر . “ [١]