بدیع الزمان حضرتلرینڭ سيّدلگي
بدیع الزمان حضرتلرینڭ سيّدلگي
دڭزلی اهل وقوفنڭ علیهده راپوری مناسبتیله بدیع الزمان حضرتلرینڭ یوقاریده كچن ” بن سیّد دگلم . مهدی ایسه آل بيت نبویدن اولاجق “ سوزینڭ آڭلامی أوزرنده طورمق ایسته یورز . زیرا بدیع الزمان حضرتلری ، هم رسالۀ نورده یر آلان بعض بيانلرله ، هم ده بعض طلبه لرینه سوزلی اولارق ، كندیسنڭ حضرت رسول اكرم ( ع ص م ) ‘ ڭ نسلندن كلن بر ” سیّد “ اولدیغنی بیلدیرمشدر .
رسالۀ نورده كچن افاده لر شویله در :
أوڭجه لكله استاد حضرتلری ، معجزات احمديه رساله سنده اللّٰه رسولي (ع ص م ) ایله علاقه لی اولارق شونلری سویلر :
” هم سینك اونی تعجیز ایتمزدی ، اونڭ جسد مباركنه و لباسنه قونمازدی . ناصلكه ، اولادندن سیّد عبد القادر گیلانی ( ق س ) دخی ، جدندن او حالی ارثیت آلمشدی ؛ سینك اوڭا دە قونمازدی _ _ . “
داها صوڭره بو افاده لرله ایلگیلی اولارق ، ایلك نور طلبه لرندن بویوك روحلی كوچك آلی أفندینڭ ٢٢ . لمعه يه یازدیغی حاشیه شویله در :
” … بزجه استادیمز سعید نورسینڭ برنجی آلدن ( سيّدلردن ) اولدیغی قطعیدر . چونكه سينك كبی بر مخلوقڭ استادیمزي تعجیز ایتمه مه سی نسل مباركندن اولان عبد القادر كيلانيدن بو حالی استادیمز ارثیت اولارق آلمشدر . كرچه استادیمز محكمه لرده اهل وقوفه قارشی ایكنجی آل بیتدن اولدیغنی اثبات ایتمشدر . فقط مقصدی تام اخلاصه موفّق اولدیغی ایچون كندی شخصنی عزل ايدييور . و قرآنڭ بر الماس قيلينجي اولان رسالۀ نوري گوسترييور . “ [١]
استاد حضرتلرینڭ بو حاشیه نڭ رسالۀ نوره يازيلمه سنه مساعده ایتمه سی قطعي بر شكلده بونی تصدیق ایدوب سيّدلگني قبول ایتدیگنی كوسترمكده در .
استاد بدیع الزمانڭ ١٨ . لمعه رساله سنده حضرت علی ( ر ض ) ‘ ڭ ارجوزه قصيده سندن نقل ایتدیگی ، ” بز آل بیتدن برر غوث چیقوب ، هر كربت و شدّت زماننده امداد ایدییورز “ جمله سی ده حضرت استادڭ آل بيته منسوب بر سیّد اولدیغنی كوسترمكده در . [٢]
یینه رسالۀ نورڭ بویوك قهرمانلرندن و بدیع الزمانڭ اڭ یاقین طلبه لرندن سانترال صبري خواجه ، استادینه كوندردیگی بر مكتوبنده اونی یوكسك وصفلریله ثنا ایدركن شویله دییور :
” اعتقاديمزجه نسل پاك هاشمي العربي قوتلي احتمالي بولونان و فرقان حكيمڭ دلّال بي شبیهی اولان رسالۀ نور صاحبی … غوص اعظم ( شیخ گیلانی ق س . ) و جد اكرملرينڭ ( حضرت . پیغمبرڭ (ع ص م) ) یا حفیدی ( ای طورونی ) … بونلره مماثل خلاط خارقه و واقعات بديعه آنجق و آنجق صاحب الكوثر و او رحمةً للعالمینڭ یا نسبي ویا معنوی آل و انساب و انسالنده ظهوري ممكن بر دولت و كرامت دگلمیدر ؟ “ [٣]
خواجه صبر الاين استاده سيّدلگي حقّنده یازدیغی مكتوبنڭ اوريژينالي و أوزرنده استادڭ نوطلري
بدیع الزمان حضرتلری خسرو أفندینڭ آرشيونده بولونان بو اوزونجه مكتوبڭ باشنه كندی الیله ” لاحقه یه كیرسین “ یازدیغی كبی بورایه آلدیغمز سطرلره دە بالذّات كندی ال یازیسی ایله ” اعتقاديمزجه “ و ” قوتلی احتمالی “ كلمه لرینی یازارق بو افاده لری تصديقله دیگني كوسترمشدر . یعنی استاد حضرتلری ، پیغمبریمزڭ ( ع ص م ) تمیز هاشمي نسلندن ، غوص اعظم شیخ عبد القادر گیلانی حضرتلری ایله اونڭ مبارك جدی اولان حضرت پيغمبرڭ (ع ص م ) بر طورونی اولدیغی اعتقادینی قوتلی بر احتمال اولارق آچیقجه و یازیلی اولارق بیان ایتمكده در .
رسالۀ نوره مال اولمش بو ساطيرلردن باشقه ، حضرت استادڭ كندیسندن یاپیلان بعض روایتلر ده واردر . بونلرڭ ایلكنده كندیسی ده سیّد اولان صالح أوز جان شونلری نقل ایدر :
” … امرطاغده محمد چاليشقانه گيدرك بنی استاده گوتورمه سني ایسته دم . استاد بزی قبول ایتدی . دیزلرینڭ أوزرنده طوغرولدی ، قالقدی ، ‘ كل ، سیّد صالح ! كل دیيه بنی قوجاقلادى . أللرندن أوپدم ، باشمدن طوتدی . دده مڭ ، خلوصی آغابگڭ سلاملرینی ، حرمتلرینی سویله دم . یانمزده بولونان مصطفی آجتله محمد چاليشقاني طيشاري چیقارتدی . ‘ بن یوز بیڭلرجه سیدی بكلركن سن كلدڭ دیدي . بن كندیلرینڭ سیّد اولوب اولمادقلرینی صوردم. آننه م حسيني ، بابام حسنیدر‘ دیدی . صوڭره دە ، ‘ بن ده سیّد صاییلیر می یم ؟ ‘ دییه تبسّمله صوردی . بن ده ، ‘ هم ده چفت طرفدن سيّدسڭز دیدم . “ [٤]
استاد بدیع الزمانڭ اوڭده كلن طلبه لرندن بری اولان آلبای خلوصی بگ بر قونوشمەسنده شونلری آڭلاتیر :
” بر دفعه استادي زيارتمده ، بر مناسبتله استاد : ‘ قرداشم سن ده بن ده ساداتدنز ( سيّدلردڭز ) ‘ دیمشلردی . [٥]
بر دیگرینی اسكیشهر نور طلبه لرندن محیی الدّین یوروتن آڭلاتییور :
” زيارتلرمدن بریسنده صالح أوز جان دە بولونویوردی . استاد اوڭا ، ‘ قرداشم صالح ! سن حقيقي سيّدسڭ ، ( آننه م ) نوریه ده سیّد ، ( بابام ) میرزا دە سیّد “ دیدی . [٦]
بونلر كبی امرطاغلي نور طلبه سی محمد چالیشقان دە حضرت استاددن سیّد اولدیغنی ايشيتنلردندر . [٧]
كوچك علی أفندینڭ حاشیه سی و استاد حضرتلرینڭ خصوصی صحبتلرده طلبه لرینه سویله دیگی سوزلر ایله محكمه ده سویله دیگی سوز آراسنده ایلك باقیشده بر تناقض وار كبی كورونویور . أویله یسه محكمه ده كی افاده یی ناصل آڭلامەمز كركير ؟
أوڭجه لكله شونی بليرته لمكه ، استاد حضرتلرینڭ سيّدلگني كندیسنڭ اقرار ایتدیگنده هیچ بر تردّد یوقدر ! زیرا بویله بویوك بر اسلام عالمنڭ خصوصی صحبتلرنده مكرّرًا بونی آچیق بر شكلده بليرتمسي و بر طلبه سنڭ قلمندن ده اولسه بونی كتابنه آلمسی و یینه استادڭ كندی ال یازیسیله سانترال صبرینڭ مكتوبنه دوشدیگی نوطلر ، استاد بدیع الزمانڭ سيّدلگني قبول ایتدیگنی آچیقجه كوسترمكده در .
رساله لرده كچن ” بن سیّد دگلم “ افاده سنه كلنجه ، محكمه اثناسنده سویلنن بو سوز ، ایچنده بولوندقلری محكمه شرطلرندن قايناقلانان بر احتیاجه بناءً سویلنمش توريه لي بر سوزدن عبارتدر . یعنی ایكی آڭلامە كلن بر سوزی استاد ، دیگر آڭلامنی قصد ایدرك سویله مشدر . چونكه سیدڭ بر آڭلامی پیغمبریمزڭ ( ع ص م ) نسلندن كلن كیمسه اولمقله برابر اصل معناسی ” افندی “ دیمكدر . حضرت . پیغمبر ( ع ص م ) ‘ ڭ مبارك نسلنه ده حرمتًا ” سیّد “ عنوانی ویریلمش و بو كلمه او معنایی دە افاده ایدر اولمشدر .
حضرت استادڭ اسكیشهر مدافعه سنڭ كيريشنده یر آلان شو افاده لری ، اونڭ محكمه ده توریه یوللی بيانلرده بولوندیغنڭ آچیق افاده سیدر :
” بتون مدافعاتمده آرا - صیره كورونن ملایمانه و مصالحه كارانه تعبیرلر ایسه ؛ توریه نوعندن اولارق محضا معصوم قرداشلریمی قورتارمق ایچوندر . یوقسه معصوميتم و مظلومیتم بنی چوق شدّتلی قونوشديراجقدي . “ [٨]
بدیع الزمان حضرتلری كندی افادەلریله ” قرآنڭ سونمز و سوندیریلمز بر كونش اولدیغنی بتون دنیایه اثبات ایده جگم “ دییه ، اسلامه خدمت ایتمك ایچون چیقدیغی بو یولده ، قارشوسنده بر چوق دوشمان بولدی . او دونملرده اسلامه خدمت ایدنلرڭ باشنده استاد و طلبه لری كلییوردی . حال بویله اولونجه اسلام دوشمانلرینڭ كوزی هپ استاد أوزرنده يوغونلاشدي . اونی اورته دن قالدیرمق ایچون چوق پلانلر ترتیب ایدوب اويغولامه يه قويسه لر دە بونده باشاریلی اولامدیلر . فقط دین دوشمانلری بديع الزماني هيچ راحت بیراقمدیلر . سورگوندن سورگونه ، محكمه دن محكمه یه ، حپسدن حپسه طولاشديروب طورديلر . دفعه لرجه زهرله دیلر . أزیتلر ، اشكنجه لر ، باصقیلر و تعقيبلر هیچ اكسیك اولمدی . ایشته بو درجه صیقینتی ایچریسنده اولان بدیع الزمان حضرتلری ، بيلير كيشينڭ مهدیلك صوچلامه لرندن قورتولمق و بویله لكله خدمتنڭ و طلبه لرینڭ اوزرنده كی بویوك بر اوهام بلوطني طاغیتمق ایچون محكمه ده نسبًا سيّدلگني كيزله مه يي ترجیح ایتمشدر و بونی آچیقجه شویله دیله كتیرمشدر .
” بعض اماره لرله بیلدمكه ، كیزلی دوشمانلریمز نورڭ قیمتنی دوشورمك فكریله ، سیاست معناسنی خاطرلاتان مهدیلك دعواسنی توهّم ایله كویا نورلر بوڭا بر آلتدر دییه چوق اصلسز بهانه لری آراشدیرییورلر . بلكه بنم شخصمه قارشی بو اشكنجه لر ، بو اوهاملرندن ایلری كلییور . “ [٩]
لطیف بر توافقدركه رسول اللّه ( ع ص م ) افندیمز ده عین شكلده بر حدیث شریفلرنده سیّد اولدیغنی رد ايدركن ، دیگرنده بالذّات سیّد اولدیغنی افاده ایتمشلردر . شویله كه :
” آمر اوغللرینڭ ایلچیلریله برلكده ( ایلچی اولارق ) رسول اللّٰه ( ع ص م ) ‘ ڭ حضورینه كیتمشدم . ( حضرت . پیغمبره ) : سن بزم سيّديمزسڭ ، دیدك ده ، ( رسولي اكرم ) : ‘ سیّد اللّٰهدربویوردي . “ [١٠]
اللّٰه رسولی ( ع ص م ) بو افاده سیله كرچك آڭلامده سیدڭ ، یعنی هركسڭ تك افندیسنڭ اللّٰه تعالی حضرتلری اولدیغنی اورته یه قویمشدر . فقط باشقه بر حدیث شریفلرنده ایسه بونڭ تام ترسي اولارق :
” بن آدم اوغللرينڭ سيّدي يم ( افنديسي يم ) ، أوگونمك ایچون سویلەمییورم ! “ [١١ ] بویورارق حقيقي معناده افندیلك قصد ایدیلمدن ” انسانلرڭ بیوگی “ آڭلامنده سیّد كلمەسنڭ قوللانيلابيله جگني ده اورته یه قویمشدر .
ایشته بدیع الزمان حضرتلری ده ، محكمه ده ، سیّد كلمەسنڭ برنجی حدیثده كچن معناسنی اساس آلارق ” بن سیّد دگلم “ دیمشدر . رسالۀ نوره گچن و طلبه لرندن نقل ایدیلن روایتلرده ایسه حضرت پيغمبرڭ نسلندن كلن آڭلامنده ” سیّد “ صفتنی كندیسی ایچون قوللانمشدر دییه بیلیرز .